ഒരു നല്ല സ്ത്രീ ആകാൻ എന്തു ചെയ്യണം?

പെൺകുട്ടികളുടെ പ്രത്യേകശ്രദ്ധയ്ക്ക്, നിങ്ങൾ വേണം കൂടുതൽ ശ്രദ്ധിക്കാൻ. കാരണം നിങ്ങൾക്ക് നിങ്ങളുടെ ജീവിതത്തിൽ voice-ഉം  role -ഉം ഇല്ല. ഉണ്ടെങ്കിലും അതു കുറവാണ്. നിങ്ങൽ ഇത്രമാത്രം ചെയ്താൽ മതി. കല്യാണത്തിനു മുൻപ് അച്ഛൻ പറയുന്നതുകേൾക്കുക. അച്ഛനില്ലാത്തവർ അമ്മാവനോ കാരണവരോ. പിന്നെ കഴിവതും സംസാരം കുറയ്ക്കണം. ഇളക്കം പാടില്ല. ഒറ്റ ആൺ പിള്ളേരോടു സംസാരിക്കാൻ പാടില്ല. പിന്നെ അറിയാം കൂടെ പഠിച്ച പിള്ളേരോട് എന്ത്? ഏത്? എന്നു മാത്രം. വീട്ടിനു വെളിയിൽ പോകണമെങ്കിൽ അമ്മയെയോ ചേട്ടനെയോ ആരെയെങ്കിലും കൂട്ടു പിടിക്കണം. എത്ര പഠിച്ചാലും adjustment  ആയിരിക്കണം main ആയി പഠിക്കേണ്ടത്. പിന്നെ ആരെങ്കിലും എന്തെങ്കിലും അനാവിശ്യം കാണിച്ചാൽ അറിയാത്ത മട്ടിൽ ഇരിക്കണം. ജോലി കിട്ടിയാൽ ഒരു രൂപപോലും ചെലവാക്കാതെ അച്ഛനെ ഏൽ‌പ്പിക്കണം. Okey!  ഇത്രയും കല്യാണത്തിനു മുൻപ് ശ്രദ്ധിക്കേണ്ട കാര്യങ്ങൾ. കല്യാണം കഴിഞ്ഞാൽ നമ്മുടെ വീടുമായുള്ള ബന്ധങ്ങൾ എല്ലാം ഉപേക്ഷിക്കുകയാണ് പിന്നെ എല്ലാം എന്റെ ഭർത്താവ് ആണ് എന്ന വിചാരം ആയിരിക്കണം. അദ്ദേഹം എന്തു കാണിച്ചാലും you must adjust.  അപ്പോഴും ജോലിയുണ്ടെങ്കിൽ 1 രൂപ പോലും ചിലവഴിക്കാതെ ഭർത്താവിനെ ഏൽ‌പ്പിക്കണം. പിന്നെ ഭർത്താവിന് ഇഷ്ടമുള്ള ആഹാരവും വച്ച് കുട്ടികളെയും നോക്കി സുഖമായി ജീവിക്കുക. എന്നിട്ട് നിങ്ങൾ മരിക്കുകയാണെങ്കിൽ തീർച്ചയായും നിങ്ങൾ നല്ലൊരു സ്ത്രീയാണ് എന്ന പേരു ലഭിക്കും. തീർച്ച !

പ്രത്യേകം ശ്രദ്ധിക്കേണ്ട Points

• സ്ത്രീ വീടിന്റെ വിളക്കാണ്.
•  സ്ത്രീയ്ക്ക് ഭൂമിയോളം ക്ഷമ വേണം.
•  മുള്ളിനെ പൂ ആക്കാൻ കഴിവുള്ളവളാണ് സ്ത്രീ.
•  ഏഴു ജന്മം ശാപം ചെയ്തവരാണ് സ്ത്രീകൾ. 
•  പുരുഷന്റെ വാരിയെല്ലുകൊണ്ടാണ് സ്ത്രീയെ ഉണ്ടാക്കിയിരിക്കുന്നത്. 
•  സ്ത്രീ ജന്മം പുണ്യജന്മം. 
•  ഒരു സ്ത്രീയാണ് ഏതൊരു വിജയത്തിനും പിന്നിൽ. 
•  കാര്യത്തിൽ മന്ത്രിയും കർമ്മത്തിൽ ദാസിയും രൂപത്തിൽ ലക്ഷ്മിയുമാണ് സ്ത്രീ.

ഇതൊക്കെ ഉരുവിട്ട് ജീവിതം മുന്നോട്ട് കൊണ്ടു പോകണമെങ്കിൽ എന്തു കഷ്ടമാണ് !!!!!!!!